Parkeringsmøguleikar meðan tygum gista
Parkering í høvuðsstaðnum er altíð ókeypis, men í miðbýnum er parkeringin tíðaravmarkað. Á Áarvegnum er tíðarmarkið 30 minuttir, meðan tað er 2 tímar á Húsabrúgv (beint aftan fyri Hafnia) og 8 tímar á m.a. Skálatrøð og Glaðsheyggi. Sí yvirlit yvir parkering HER.
Mánadag til fríggjadag 09:00 – 18:00:
Tey bláu parkeringsskeltini vísa, hvussu leingi tygum kunnu parkera.
Leygardag 10:00 – 14:00:
Nøkur fá parkeringspláss hava tíðaravmarking (tíð í klombrum merkir, at tíðaravmarking er galdandi leygardagar).
Sunnu- og halgidagar er eingin tíðaravmarking, ei heldur um kvøldið og um náttina.
Móttøkufólkið hjálpir fegið við vegleiðing.
